da Liberi Elettori Piemonte e Assemblada Occitana Valadas riceviamo e pubblichiamo:
Con ël “decreto sicurezza” (n’autr? Torna?) an via d’aprovassion definitiva a l’han antërdì ‘d portesse dapress ij cotej. I soma pròpre nen d’acòrdi. Noi i difendoma la coltura rural e montagnin-a, noi i difendoma ‘l drit ëd portesse dapress ël cotlin da sacòcia për ëd finalità nen violente, ch’a van da la cheuja dij bolé e dj’erbe dij prà e dij bòsch, a gropé dle còrde a ‘n dovragi pì general për atività ‘d travaj. Se sto decret a fuissa aprovà parej, ant soa forma atoal, un a podrìa arzighé ‘d finì dritura sota process an cas ëd contròl dij gendarm. Sòn a l’è vreman ridicol. A-i-é pro l’arzigh concret che na patela ‘d resident istòrich ëd nòste valbe campagnin-e e ‘d nòste borgà ‘d montagna a finisso ant la nita dla giustissia, se pendan ij contròj ël decret a fuissa aplicà a la letera. An tant che Assemblada Occitana Valadas e Liberi Elettori Piemonte is auguroma ch’a-i saran dle modifiche për mijoré ‘l decret. I pensoma che la criminalisassion dij cotej saror a sia franch na gavada anacronistica.. Nojautri i pensoma ch’a venta diferensié ij “cotej cotej” da coj artisanaj (ij vernantin o j’opinel, pr esempi) ch’a son dovrà soens an campagna. I vudrìo pa che për cori daré ai fait ëd cronanca as criminalisa na coltura. Ël contrast a la violensa a l’è na necessità (a-i machërìa!), totun i vudrìo nen ch’a colpèissa na coltura milinaria e pacifica
